حسرتیله باخدیم گوردوم هر یانی
دیدیم بس کی قاراتوتوب دنیانی
خرابه الوبدی باغ رضوانی
یالقیز قالان جیران یادیما دوشدی
اوزوک اگر سینا ساخلاماز قاشی
جان بدن نن چیخسا ساخلاماز باشی
آز قالیریازیلیون قبرینون داشی
جانا حسرت قالان یادیما دوشدی
کاش اولیدی قییدیدیم ازله
دویونجانا باخایدیم سن تک گوزه له
ایاغا دور گینه منه نازایله
یاراعشوه ساتان یادیما دوشدی
ای کاش دونوب بیرده اوشاغ اولیدیم
بولوت تکین بوشالایدیم دولایدیم
سنده گول آچدیم سنده سولایدیم
درس اوخیان زامان یادیما دوشدی
داها بولبولرون دولانمور باغا
جیرانلارون گئدیب گلنمیر داغا
باخورام سولوما همده کی ساغا
گولی سولا باغبان یادیما دوشدی
بیر زامان واریدی شاُن و شهرتون
حرمتون واریدی قولدا قدرتون
گدیب دور قالمیری داها شوکتون
تخت دن دوشن سولطان یادیما دوشدی
بویئرین آدینی جنت(مینو) قویدولار
علم اوخویانلارا مننت قویدولار
خنیراشاره یاخجی سنت قویدولار
مینو آدین قویان یادیما دوشدی
چوخلی کسلر سنه یاردیم ایئدیلر
ایللر بویی علمین قدرین بولدیلر
اغلیان گوزلرین یاشینی سیلدیلر
خورشیدی تک انسان یادیما دوشدی
بویئرین شاگردی استاد الوبدی
شاگیردی استادا استاد الوبدی
جهلین ایوی بوردا بر باد الوبدی
انودولان پیمان یادیما دوشدی
ای کاش بوردا بیر دفعه داریشاخ
گئچیش گونلرینن گینه باریشاخ
لولفرتکین دیوارینا ساریشاخ
مدائنن ایوانی یادیما دوشدی
واردی سن اوچون اورگی یانان
علمین قدرین بیلن دردلری قانان
گله جاخ یانووا بیر نئچه جانان
خئیر ایشه ال قاتان یادیما دوشدی
کونول خسته سی دی دوشوب یاتاغا
ساغالاجاخ دوراجاخدی ایاغا
خوش گلدین دیاجاخ گینه قوناغا
درده ائدن درمان یادیما دوشدی
سرداشون اورگی یاندی آلیشدی
اوره گ قانی گوزیاشینا قاریشدی
گیئنه گلدی مکتبینن باریشدی
بیرده اسگی دوران یادیما دوشدی
عضو شوید
عضویت سریع
آمار مطالب
آمار بازدید
